FACEBOOK එකට CALLS එන එක නවත්තන හැටි

FACEBOOK එකට CALLS එන එක නවත්තන හැටි

ඇත්තටම දාන්න ඕනා පෝස්ට් එකක් නම් නෙවෙයි මේ. ඒ තරම් සරල දෙයක්. නමුත් ගොඩක් දෙනෙක් දන්නෙ නෑ. ෆේස්බුක් එකට කෝල් එන එක සමහරුන්ට හොඳ වුණාට සමහරුන්ට හරි කරදරයක්.

ෆේස්බුක් එකෙන් කෝල් ගනිද්දි ඩේටා කැපෙන්නෙ Viber වලටත් වඩා අඩුවෙන්. ඒ නිසා මේ පහසුකමට කැමති ගොඩක් අය මේක පාවිච්චි කරනවා Messenger හරහා. නමුත් සමහරු මේකට කැමති නෑ.

ඉතින් එහෙම අයට Calls එන එක නවත්තන හැටි ගැන තමයි මේ පෝස්ට් එක දාන්නෙ. හැබැයි මේ ක්‍රමයට අනිවාර්යයෙන්ම computer එකකින් ලොග් වෙන්න වෙනවා. එහෙමත් නැත්නම් smartphone එකකින් browser එක හරහා computer එකෙන් යන විදිහට ලොග් වුණත් ප්‍රශ්නයක් නෑ.

එහෙමම කරන්න ඕනා ඇයි? Messenger වලින් මේ වැඩේ කරන්න බැරිද කියලා කවුරුහරි ඇහුවොත් කියන්න තියෙන්නෙ එහෙම කරන්න පුළුවන්. හැබැයි ඒකෙදි වෙන්නෙ අපිට ලැබෙන notifications නොපෙන්වා ඉන්න එක විතරයි. කෝල් එක ගන්න කෙනාගෙ පැත්තෙන් එක දිගට ring වෙනවා. එහෙම වුණෝතින් තියෙන මිත්‍රත්වයනුත් නැති වෙන්න ඒක හේතුවක් වෙන්න පුළුවන්. ඒ නිසයි මේ විදිහට computer එකකින්ම ලොග් වෙලා මේක කරන්න කියන්නෙ.

මේක හරිම සරලයි. මුලින්ම ෆේස්බුක් ලොග් වෙලා chat list එකේ තියෙන Settingsbutton එක ක්ලික් කරන්න. එතකොට මතුවෙන මෙනු එකෙන්  Turn Off Video/Voice Calls තෝරන්න.

දැන් අළුත් තිරයක් මතු වෙනවා. ඒකෙන් කෝල් එන එක නවත්තන්න ඕන කොච්චර කාලෙකටද කියල තෝරන්න. දිගටම නවත්තන්න ඕන නම් පහළ තියෙන විදිහට Until I turn it back on තෝරලා Disable ක්ලික් කරන්න.

ඔන්න දැන් ආයෙත් ෆේස්බුක් එකට කෝල් එන්නෙ නෑ. කවදම හරි ආයෙත් කෝල් ගන්න පහසුකම සක්‍රිය කරගන්න හිතුනොත් පළවෙනි පියවරේ විදිහට ෆේස්බුක් ලොග් වෙලා chat list එකේ තියෙන Settings button එක ක්ලික් කළාම මතුවෙන මෙනු එකෙන්  Turn On Video/Voice Calls තෝරන්න.

මේක නිසා ෆේස්බුක් චැට් එකට කිසිම බාධාවක් වෙන්නෙ නෑ. ඒ නිසා ප්‍රශ්නයක් නෑ. ඒ වගේම මෙහෙම කෝල් එන එක නැවැත්තුවට පස්සෙ Messenger වලටත් ඒක අදාළ වෙනවද කියල නම් හරියටම කියන්න අමාරුයි. ඒක ඉතින් අත්හදා බලලම තමයි හොයා ගන්න වෙන්නෙ!

එහෙමනම් ඔන්න අපි ගියා. තවත් ලිපියකින් ළඟදිම හම්බ වෙමු.